"iPhone 17 Pro" hansı xüsusiyyətlərə sahib olacaq?
2025-ci ilin sentyabrında "iPhone 17 Pro" modellərinin təqdimatı olacaq.
Redaktor.az-ın məlumatına görə, həm "iPhone 17 Pro", həm də "iPhone 17 Pro" Max 48 meqapiksellik telefoto obyektivlə gələcək. Bundan əlavə, ön kamera da yenilənəcək və 24 meqapiksellik sensor alacaq.
Həmçinin RAM miqdarı da artacaq, hər iki modelin 12 GB RAM olacağı deyilir. Dizaynda Face ID sistemi üçün daha kiçik bir "metal lens" istifadə ediləcək. Eyni zamanda "Dynamic Island"da əhəmiyyətli azalma gözlənilir. Bu xüsusiyyət "iPhone 14 Pro" seriyasında təqdim olunduqdan sonra ilk ölçü kiçilməsi olacaq.
Ekran ölçüləri Pro üçün 6,3 düym, Pro Max üçün isə 6,9 düymdə dəyişməz qalacaq. Hər iki model TSMC-nin qabaqcıl 3 nm prosesindən istifadə edərək istehsal edilən yeni A19 Pro ilə təchiz ediləcək.
Sevinc İBRAHİMZADƏ
Bizi Telegram-da izləyin...
