Blogger yeni "Apple" kompüterinin gizli imkanlarını kəşf etdi
Yeni 10 nüvəli M4 ilə təchiz edilmiş iMac 8K-a qədər təsvir ölçüsünə və 120Hz yeniləmə tezliyinə malik xarici displeyləri dəstəkləyir və bu, belə displeyləri dəstəkləyən ilk "Apple" kompüteridir.
Redaktor.az xəbər verir ki, bunu yutuber Maks Teç kəşf edib.
Qeyd edilib ki, əvvəllər hətta ən güclü MacBook Pro, Mac Studio və Mac Pro 120 Hz tezliyində 6K monitorlarda maksimum görüntü çıxışını dəstəkləyirdi. Üstəlik, "Apple" hətta 8K monitor istehsal etmir. Ola bilsin ki, şirkət gələcək Pro Display XDR və Studio Display modelləri üçün zəmin hazırlayır.
"Apple"ın yaxın günlərdə M4 Pro və M4 Max çipləri ilə yeni MacBook Pro modellərini təqdim edəcəyi gözlənilir ki, bu da 8K displeyləri də dəstəkləyəcək. Əvvəllər "Apple" bir həftə təqdimat elan edib və iki gün ərzində iOS 18 və iMac-i buraxıb.
8 nüvəli M4 çipi ilə baza iMac, əvvəlki M3 modelləri kimi, 60 Hz-də 6K təsvir ölçülü bir xarici monitoru dəstəkləyir. ABŞ-də 10 nüvəli M4 çipli iMac-ın qiymətləri 1499 dollardan, əsas versiyanın qiyməti isə 1299 dollardan başlayır.
Turan İSMAYIL
Bizi Telegram-da izləyin...
