Yeni ildə ən çox hansı "Apple" cihazları alınır? - "iPhone", "Mac", yoxsa?
Bayram alış-verişi mövsümündə ənənəvi olaraq "Apple"a tələbat böyükdür, lakin hədiyyə seçimi o qədər də çox deyil. Yeni ildə hədiyyələşmə zamanı "iPad" və ya "Apple Watch" alanlar olsa da, "iPhone" və "Mac"lər nadir hədiyyə variantları olaraq seçilir.
Redaktor.az bu barədə "Consumer Intelligence Research Partners" (CIRP) tərəfindən aparılan araşdırmaya istinadən məlumat verir. CIRP məlumatları göstərir ki, 2023-cü ilin son rübündə hədiyyə olaraq alınan "iPad"lərin payı 6%, "Apple Watch"un payı isə 9% olub.
Müqayisə üçün qeyd edək ki, ilin digər dövrlərində bu rəqəmlər cəmi 3%-ə çatır. Eyni zamanda bayramlarda və ya digər vaxtlarda demək olar ki, heç kim hədiyyə olaraq "iPhone" və ya "Mac" almır.
Bunun səbəbi sadədir. "iPhone" bahalı bir hədiyyədir: Qiymətinə əlavə olaraq əlavə rabitə xərcləri də daxil olmaqla, hədiyyələr aləmində “rəqəmsal pişik balası”na çevrilir.
Əslində, "Mac"i hədiyyə etmək də çətindir: O, xüsusi tapşırıqlar üçün seçilir və qiyməti də ucuz deyil.
"iPad" və "Apple Watch" daha cəlbedici görünür. Bu cihazlar arzuolunandır, lakin elə də zəruri hesab olunmurlar və buna görə də hədiyyə üçün idealdır. Həm də bu cihazlar əlavə uzunmüddətli xərc tələb etmir, uzunömürlüdür və istifadəsi xoşdur.
Beləliklə, əgər biri sizə bayramlaşma zamanı "Apple" qutusu versə, onun "iPhone" deyil, daha çox "iPad" və ya "Apple Watch" olması ehtimalı var.
Sevinc İBRAHİMZADƏ
Bizi Telegram-da izləyin...
