İstifadəçilər dekabrın ən yaxşı smartfonlarını müəyyən etdilər - SİYAHI
Məşhur AnTuTu etalonunun tərtibatçıları öz smartfonlarından istifadəçi məmnunluğunun dekabr ayı reytinqini tərtib ediblər.
Redaktor.az xəbər verir ki, reytinqin lideri “Huawei Mate 70 Pro+” flaqman smartfonu olub ki, bu cihazın sahiblərinin 99,99%-i bundan razıdır.
“Bir az gözlənilməz olsa da, həm də ağlabatan idi. Mate 70 Pro+, şübhəsiz ki, son üç nəsildə ən qabaqcıl cihazdır”, - AnTuTu qeyd edir.
İkinci yerdə istifadəçi məmnuniyyəti səviyyəsi də 99,99% olan "Huawei nova 12 Ultra" qərarlaşıb. İlk üçlüyü müsbət rəylərin 98,26%-ni toplayan "Honor Magic6 Ultimate Edition" qapayır.
Onları "Huawei Pura 70 Pro+" (97,27%), qatlana bilən "Oppo Find N3" (95,33%), "Oppo Find X7 Ultra" (94,84%), "Xiaomi 15" (94,74%), "Redmi Note 14 Pro+" (94,38%), eləcə də 2023-cü ilin yayında buraxılan "Samsung Galaxy S24+" (94,35%) və qatlana bilən "Galaxy Z Fold5" (94,17%) izləyir.
AnTuTu nümayəndələri vurğulayırlar ki, istifadəçilər tərəfindən cihazların qiymətləndirilməsi bençmarkda qadcetlərin performans səviyyəsini nümayiş etdirmir - reytinq yalnız onların sahiblərinin rəyləri əsasında formalaşır. Araşdırma dekabrın 1-dən dekabrın 31-dək Çində uyğun smartfon istifadəçiləri arasında aparılıb.
Turan İSMAYIL
Bizi Telegram-da izləyin...
