"Rusiyada TikTok-a alternativ yoxdur"
"Hazırda TikTok sosial şəbəkəsinə rus dilində alternativ yoxdur".
Redaktor.az TASS-a istinadla xəbər verir ki, bu fikri jurnalistlərə Təhlükəsiz İnternet Liqasının rəhbəri Yekaterina Mizulina deyib.
"Məncə, hələ belə bir alternativ yoxdur", - deyə Mizulina TikTok-un rus analoqları ilə bağlı sualı cavablandırarkən bildirib. Eyni zamanda o, texnologiyaların sürətlə inkişaf etdiyini və bir-iki ildən sonra tamamilə fərqli platformaların müzakirə olunacağını vurğulayıb.
“YouTube” videohostinq xidmətinə Rusiya alternativlərindən danışan Mizulina qeyd edib ki, bu sahədə hələ görüləsi işlər var. Amerika platformasının ən yaxın analoqu VK Video xidmətidir və onun inkişafı böyük maliyyə sərmayələri, xeyli sayda insanın əməyi, həmçinin vaxt tələb edir. Mizulina "Rutube" yerli video hostinq xidmətinin inkişafına da müsbət qiymət verib. Təhlükəsiz İnternet Liqasının rəhbəri hesab edir ki, istifadəçilərin sayt inkişaf etdikcə ona gəlməsi vacibdir.
"Bir çoxları müəyyən platformaların getməsindən üzülür və kədərlənir. Biz başa düşməliyik ki, biz öz suveren alternativimizi qurmalıyıq və istənilən vəziyyətdə bütün dünyadan müstəqil olmalıyıq. Və son illərdə hamımızın gördüyümüz kimi vəziyyətlər fərqli ola bilər", - Mizulina əlavə edib.
Turan İSMAYIL
Bizi Telegram-da izləyin...
