“Samsung”un qatlana bilən modellərinə tələbat artır
"Samsung" yeni qatlana bilən flaqman smartfonlarının uğurlu satış nəticələri ilə öyünür.
Redaktor.az xəbər verir ki, bu barədə ixtisaslaşmış “SamMobile” nəşri məlumat yayıb.
İyulun əvvəlində şirkət Galaxy Z Fold 7 və qapaqlı Galaxy Z Flip 7 modellərini təqdim edib. Media nümayəndələri "Samsung"un ən son modellərinin yüksək satış göstəriciləri barədə yaydığı hesabatı xüsusi diqqətlə izləyiblər.
Korporasiya konkret satış rəqəmlərini açıqlamasa da, Avropa bazarında Galaxy Z Fold 7 üçün ilkin sifarişlərin əvvəlki modellə müqayisədə 50 faiz artdığını bildirib. Şirkət qeyd edib ki, istifadəçilər arasında “premium forma faktoru və yüksək performansa” olan tələbat artmaqdadır.
Aytəkin TOFİQQIZI
Bizi Telegram-da izləyin...
