Moskva-Gəncə reysi açılır
Rusiyanın “Aeroflot” şirkəti Gəncəyə reyslər açır.
Redaktor.az yerli mediaya istinadla xəbər verir ki, bu barədə “Aeroflot”un mətbuat xidməti məlumat yayıb.
Bildirilib ki, uçuşlar martın 5-dən həftədə bir dəfə, bazar günləri “Airbus A320” təyyarələri ilə həyata keçiriləcək. Moskva vaxtı ilə 11:00-da Rusiya paytaxtından yola düşən təyyarə yerli vaxtla saat 15:55-də Gəncəyə enəcək. Elə həmin gün təyyarə 17:15-də Gəncədən Moskvaya qayıdacaq.
Qeyd edək ki, “Aeroflot” hazırda Moskva, Sankt-Peterburq və Soçidən Bakıya uçuşlar həyata keçirir.
T.İSMAYIL
Bizi Telegram-da izləyin...
