Türkiyəyə səyahət edən Azərbaycan vətəndaşlarının sayı 6 % artıb
Bu ilin yanvar-iyul aylarında 436 min 335 nəfər Azərbaycan vətəndaşı Türkiyəyə səyahət edib.
Redaktor.az xəbər verir ki, bu barədə Türkiyənin Mədəniyyət və Turizm Nazirliyindən məlumat yayıb.
Bildirilib ki, bu, ötən ilin eyni dövrünə nisbətən 23 min 839 nəfər və yaxud 5,7 % çoxdur.
7 ay ərzində Türkiyəyə gedən azərbaycanlılar bu ölkəyə səfər edənlərin 1,6 %-ni təşkil edib.
Hesabat dövründə Türkiyəyə ən çox səfər edənlər Almaniya, Rusiya, İngiltərə, Polşa və Bolqarıstan vətəndaşları olub.
Təkcə iyulda isə Türkiyəyə 108 min 322 nəfər Azərbaycan vətəndaşı səyahət edib. Bu, ötən ilin eyni dövrü ilə müqayisədə 34 min 567 nəfər və yaxud 46,8 % artım deməkdir. Ay ərzində Türkiyəyə gedən azərbaycanlılar bu ölkəyə səfər edənlərin 1,5 %-ni təşkil edib. (report)
Bizi Telegram-da izləyin...
