2024-cü ildə Antalyaya ən çox bu ölkədən turist gəlib
2024-cü ildə Türkiyənin Antalya şəhərinə səfər edən ruslar birinci yeri tutublar. Rusiya Federasiyasından təxminən 4 milyon turist Aralıq dənizi kurortunu ziyarət edib.
Redaktor.az yerli mediaya istinadla xəbər verir ki, bunu Türkiyənin Turizm Nazirliyinin rəhbəri Mehmet Nuri Ersoy bildirib.
"2024-cü ildə Antalyaya rekord sayda turist gəlib - 17 milyon 278 min turist ən çox Rusiyadan, onu Almaniyadan və Böyük Britaniyadan olan turistlər izləyib", - nazir deyib.
Türkiyə Turizm Nazirliyinin məlumatına görə, 2023-cü ildə Antalyada 3,9 milyon Rusiya vətəndaşı istirahət edib.
Proqnozlara görə, 2024-cü ilin sonuna qədər 6,7 milyon rusiyalı Türkiyəyə səfər edəcək. 2023-cü ildə bu rəqəm 6,3 milyon olub.
Turan İSMAYIL
Bizi Telegram-da izləyin...
