Avropanın ən bahalı ölkəsi müəyyənləşdi
Eurostat-ın araşdırmalarına əsasən, Avropanın turizm baxımından ən bahalı ölkəsi İslandiyadır.
Redaktor.az xəbər verir ki, İslandiya bu sıralamada İsveçrə, Norveç və Danimarkanı geridə qoyub. Daha sonrakı yerlərdə isə İrlandiya, Lüksemburq, Finlandiya, İsveç, Böyük Britaniya və Niderland qərarlaşıb.
Bu ada ölkəsində qiymətlər, qitədəkindən ən azı yarım dəfədən çoxdur. Məsələn, adi kafedə pendirli pizza 17 avro, bir qədəh şərab minimum 10 avrodur. İki nəfər üçün orta səviyyəli nahar 85 avroya (təxminən 170 AZN) başa gəlir.
Bunun səbəbləri kimi adanın idxaldan çox asılı olmasını, eləcə də, alkoqol üzərinə yüksək vergilərin tətbiq olunmasını, həmçinin yerli valyutanın məzənnəsinin tez-tez “oynamasını” göstərirlər. İslandiyada orta aylıq əmək haqqı isə təxminən 4500 avrodur, yəni 9000 AZN.
Rüfət Xəlil / Redaktor.az
Bizi Telegram-da izləyin...
