Azərbaycandan Gürcüstana gedən turistlərin sayı 4,3% artıb
Bu ilin ikinci rübündə Azərbaycandan Gürcüstana gedən turistlərin sayı 4,3% artaraq 329 815 nəfərə çatıb.
Redaktor.az xəbər verir ki, bu barədə Gürcüstan Milli Turizm Agentliyinin hesabatında məlumat verilib.
Cari ilin aprel-iyun ayları ərzində Azərbaycan Gürcüstana ən çox turist göndərən ölkələr arasında ikinci yerdədir. Hesabat dövründə Gürcüstana ən çox turist Rusiyadan gəlib – 437 510 nəfər.
Azərbaycanlı turistlər Gürcüstanda orta hesabla iki gün keçiriblər.//Apa.az