Ağsuda turizim obyektlərinin tikinti işləri davam edir - FOTOLAR

 12:36 05.05.2020     2044

Respublika ərazisində turizimin inkişafı ilə bağlı ölkə başçısının tapşırıqlarının yerinə yetirilməsi məqsədi ilə iri layihələr həyata keçirilir. Son illərdə xarici və yerli turistlərin istirahətinin təmin edilməsi üçün dövlət layihələri ilə yanaşı, sahibkarlar tərəfindən də kafe-restoran, çayxana və s. tipli iaşə obyektləri tikilib istifadəyə verilib. Belə obyektlərdən bəziləri Azərbaycan Respublikası Ekologiya və Təbii Sərvətlər Nazirliyi  ilə müqavilə bağlanılmadan, meşə ərazisində, yolun mühafizə zolağı gözlənilmədən, Tikinti Norma və Qaydaları nəzərə alınmadan zövqsüz memarlıq görnüşünə malik olan obyektlərdir. Bu obyektlərdən bir qismi Muğanlı-İsmayıllı yolunun və Bakı-Şamaxı-Yevlax magistral avtomobil yolunun “Ağsu dolayları” kimi tanınan rayon ərazisinə aid olan hissələrində, yol kənarlarında yerləşir.

Redaktor.az xəbər verir ki, bu günlərdə Azərbaycan Respublikası Ekologiya və Təbii Sərvətlər Nazirliyinin əməkdaşlarından, memarlar və adiyyatı qurumların nümayəndələrindən ibarət komissiya üzvləri həmin obyektlərə vizual baxış keçirib. Fasad hissəsi zövqsüz, sanitar-gigeynik normalara  cavab verməyən tikililər sökülərək, sahibkarlara peşəkar memarların hazırladığı ən yüksək standartlara cavab verən layihələr təqdim edilib.  Sahibkarlar Şimal-qərb turizim koridoru-kommersiya obyektlərinin inkişaf konseptinə uyğun olaraq keyfiyyətli və baxımlı inşaat materiallarından istifadə etməklə tikinti-quraşdırma işlərini həyata keçirirlər.

Yolların kənarında köhnə, istismar dövrünü başa vurmuş, baxımsız tikililərin sökülərək, yeni layihələr əsasında aparılan tikinti və yenidənqurma işlərini həm sahibkarlar, həm də Ağsu rayon sakinləri minnətdarlıqla qarşılayırlar. Əminik ki, həmişə füsunkar təbiəti ilə bəyənilmiş Ağsu dolaylarında və Muğanlı-İsmayıllı magistral avtomobil yolunun rayon ərazisindən keçən hissələrində, yolkənarı inşa olunacaq yeni istirahət və turizim mərkəzləri ağsuluların, eləcə də rayona turist kimi gələn qonaqların ürəyincə olacaq.

1

1

1

1

1

1

1

1

1