Meksikada zəlzələdə ölənlərin sayı artıb

 23:02 24.06.2020     700

Meksikanın cənubundakı Oahaka ştatında baş verən 7,5 maqnitudalı zəlzələ zamanı ölənlərin sayı artıb.

Redaktor.az xəbər verir ki, Oahaka ştatının qubernatoru Alexandro Murat yeddinci şəxsin ölümü barədə məlumat verib. 

Qeyd edilir ki, ölüm hadisələrinin hamısı zəlzələ episentrinin yerləşdiyi Oahaka ştatı ərazisində qeydə alınıb. Meksikanın Mülki Müdafiə İdarəsi də öz növbəsində 30-dan çox xəsarət alanın olduğunu bildirib.

Məlumata görə, yeraltı təkanlar cənub ştatında 2 mindən çox yaşayış binasına, 55 məktəb və instituta ziyan vurub. / Report