ÜST: Avropada koronavirusun yenidən yayılması riski var

Ötən həftə Avropada bir neçə ay ərzində ilk dəfə olaraq 7 gündə koronavirusa yoluxma hallarında artım qeydə alınıb.

Redaktor.az-ın məlumatına görə, bu barədə Ümumdünya Səhiyyə Təşkilatının Avropa üzrə regional ofisinin direktoru Hans Klüqe deyib.

Onun sözlərinə görə, son iki həftə ərzində COVID-19 üzrə xoşagəlməz dinamika bölgənin 30 ölkəsində müşahidə edilib. Onlardan 11-də virusun sürətlə yayılması epidemiyanın yenidən başlamasına səbəb ola bilər:

"Başlanmış prosesi dayandırmasaq bu Avropa ölkələrinin səhiyyə sistemlərini yenidən uçuruma aparacaq".

H.Klüqe qeyd edib ki, dövlətlər əvvəllər tətbiq edilmiş məhdudiyyətləri aradan qaldırdıqca xəstəliyin yenidən yayılması riski var:

"Bəzi Avropa ölkələrində bu risk artıq reallığa çevrilib". / Trend