Türkiyəyə geri dönən İŞİD üzvüləri belə izlənilirmiş...
“International Crisis Group” “İŞİD-ə qatılıb, geri qayıdan Türkiyə vətəndaşları” başlığı ilə hesabat hazırlayıb. Hesabatda geri dönənlərin 5 min ilə 9 min arasında olduğu qeyd edilib.
Redaktor.az xəbər verir ki, Türkiyənin təhlükə yarada biləcək insanları izləyərək, silahlı birləşmələrə yönələnləri nəzarətə alaraq, 2017-ci ildən bu yana İŞİD-in hücum planlarının qarşısını almağı bacardığı qeyd edilən 36 səhifəlik hesabatda rəsmi Ankaranın İŞİD silahlılarına qarşı nə cür siyasət yürütdüyü araşdırılıb.
Hesabatda İŞİD-dən geri dönənlərin cihadçı zorakılıq şüurundan tamamilə çıxarılması üçün sosial proqramların hazırlanmasının vacibliyi vurğulanıb.
Sevda Ulutau / Redaktor.az