Kalından kritik açıqlama: Atatürk belə 11 il gözlədi
"Əsas sual Aya Sofyanın niyə 1934-cü ildə muzeyə çevrilməsidir. Cümhuriyyət 1923-cü ildə quruldu, Atatürk belə 11 il gözlədi. Bu məsələ tarixi baxımdan araşdırılmalıdır".
Redaktor.az xəbər verir ki, bu sözləri Türkiyə Prezidentinin mətbuat katibi İbrahim Kalın deyib.
Onun sözlərinə görə, Aya Sofya o dövrdən bəri müsəlmanlar üçün vacib mövzu olub:
"Dəfələrlə onun məscidə çevrilməsi ilə bağlı çağırışlar səslənib. Aya Sofya əvvəlcə kilsə, sonra məscid, sonra bir muzey kimi istifadə edilib və indi yenidən məscid kimi istifadə olunacaq. Aya Sofyanın funksiyasına ən yaxını ibadət yeri olmasıdır. Müsəlmanlar, xristianlar, inanclılar, mömin olmayanlar - hamı ziyarət edə biləcək, heç kim üçün məhdudiyyət qoyulmayacaq. UNESCO-nun açıqlamasını da gördük. Başa düşmək çətindir, niyə Aya Sofya məscid kimi istifadə olunmağa başlanandan "dünya irsi" statusunu itirsin? Bu məscidlərə qarşı ayrı-seçkilikdirmi? Bu qərar qəbul edilsə, UNESCO-nun meyarları şübhə altına alınacaq", - deyə Ərdoğanın sözçüsü qeyd edib. //Teleqraf.com
Bizi Telegram-da izləyin...
