İranda daha 216 nəfər koronavirusdan ölüb

 17:55 26.07.2020     315

İranda ötәn sutka әrzindә daha 216 nәfәr koronavirusdan (COVID19) ölüb.

Redaktor.az xəbər verir ki, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, bununla da İranda bu virusdan ölənlərin sayı 17 min 700 nəfərə yüksəlib.

Sadat Lari әlavә edib ki, ötәn 24 saat әrzindә daha 2333 nәfәr koronavirusa yoluxub. Beləliklə İranda bu virusa yoluxanların sayı 291 min 172 nəfərə yüksəlib. Virus daşıyıcılarından 3 695 nəfərin vəziyyəti ağırdır.

Nazirlik rәsmisi indiyәdәk 253 min 213 nәfәrin koronavirusdan sağaldığını deyib.

Sadat Lari bildirib ki, ötən günlərdə olduğu kimi Mazandaran, Fars, Şərqi Azərbaycan, Qərbi Azərbaycan, Rəzəvi Xorasanı, Əlborz, Xuzistan, Lorestan, Gülüstan, Kirman, Zəncan və İlam vilayətləri qırmızı zonalardır.

İranda indiyәdәk 2,32 milyondan çox diaqnoz testi hәyata keçirilib.