Hindistandan daha 8 nəfər Azərbaycan vətəndaşı təxliyə edilir
Hindistandan daha 9 nəfər Azərbaycana təxliyə edilir.
Bu barədə Redaktor.az-ın yerli bürosuna Azərbaycanın Gürcüstandakı səfirliyindən məlumat verilib.
Bildirilib ki, onlardan 8-i Azərbaycan vətəndaşı, 1-i isə Azərbaycanda daimi yaşayış icazəsi olan Hindistan vətəndaşıdır.
Təxliyə edilən vətəndaşlar sabah saat 14:20-də Dehli-Tbilisi çarter reysi ilə Tbilisi hava limanına gətiriləcək və daha sonra Azərbaycanın Gürcüstandakı səfirliyinin əməkdaşlarının müşayiəti ilə xüsusi mikroavtobusla “Sınıq Körpü” sərhəd-keçid məntəqəsinə gətiriləcəklər. Təxliyə olunan şəxslər Azərbaycan tərəfində TƏBİB-ə təhvil veriləcək və onlar 14 gün müddətinə karantində saxlanılacaqlar.
Qeyd edək ki, bununla da Hindistandan Gürcüstan ərazisi ilə təxliyə edilən Azərbaycan vətəndaşlarının sayı 32 nəfərə çatıb.
Bizi Telegram-da izləyin...
