ÜST: COVID-19-a yoluxanların sayı 17,3 milyonu ötüb

 06:35 02.08.2020     313

Son sutkada dünyada koronavirusa yoluxanların sayı 289,3 min nəfər artıb.

Redaktor.az xəbər verir ki, bu barədə Ümumdünya Səhiyyə Təşkilatının (ÜST) məlumatında bildirilib.

Qeyd edilir ki, dünyada koronavirus xəstələrinin sayı 17,3 milyon nəfəri ötüb. Bununla yanaşı, 675 mindən çox insan pandemiyanın qurbanı olub.

Təşkilatın məlumatına görə, dünyada COVID-19-a yoluxanların sayı 17 milyon 396 min 943-ə çatıb, koronavirusdan 675 060 pasiyent ölüb.

Son bir gün ərzində dünyada 289 min 321 yeni yoluxma və 6142 ölüm qeydə alınıb.

Ümumdünya Səhiyyə Təşkilatı martın 11-də COVID-19-u pandemiya elan edib. //Report