İranda partlayış zamanı 230 nəfər zəhərlənib
İranda qaz tankerinin partlaması nəticəsində 230 nəfər zəhərlənib, 2 nəfərin vəziyyəti ağırdır.
Redaktor.az-ın məlumatına görə, bu barədə İran Səhiyyə Nazirliyinin Təcili Tibbi Yardım şöbəsinin sözçüsü Müctəba Xaledi “Mehr” xəbər agentliyinə açıqlamasında qeyd edib. O, zəhərlənənlərin qısa müddətdə xəstəxanalara yerləşdirildiyin bildirib:
“Partlayış səbəbindən 115-ci İlam Təcili Tibbi Yardım stansiyası hazır vəziyyətə gətirildi və dərhal zəhərlənənləri hadisə yerindən daşımaq üçün yardımçı qüvvələr göndərildi”.
M. Xaledi əlavə edib ki, 12 nəfər helikopterlə xəstəxanaya çatdırılıb:
“Astma xəstəliyi olan 2 nəfərdən başqa digərlərinin ümumi vəziyyəti yaxşıdır, reanimasiya şöbəsində müalicə alırlar.
Hadisə ilə bağlı araşdırma başlanılıb. //APA
Bizi Telegram-da izləyin...
