Batumidə neft terminalında yanğın baş verib

 12:33 16.11.2020     283

Gürcüstanın Batumi şəhərində neft terminalında yanğın baş verib.

Redaktor.az-ın xəbərinə görə, bu barədə Gürcüstan Fövqəladə Halların İdarəetməsi Xidməti məlumat yayıb.

Bildirilib ki, qurumun “qaynar xətt”inə Batuminin Mayakovski küçəsində neft terminalında yanğın baş verməsi ilə bağlı məlumat daxil olub.

Yanğının söndürülməsi məqsədi ilə əraziyə 11 yanğınsöndürmə heyəti cəlb edilib. Yanğının neft daşıyan qatarın iki çənində qeydə alındığı bildirilir.

Yanğının söndürüldüyü və digər vaqonlara sıçramasının qarşısının alındığı bildirilir. //APA