Pentaqona ilk dəfə afroamerikalı rəhbərlik edəcək
ABŞ Senatı istefada olan general Lloyd Ostinin ölkənin Müdafiə naziri vəzifəsinə namizədliyini təsdiq edib.
Redaktor.az xəbər verir ki, Pentaqona rəhbərlik edəcək ilk afroamerikalı olan L.Ostin tezliklə and içəcək.
Qeyd edək ki, L.Ostin 2016-cı ildə ordudan istefa verərək təqaüdə çıxıb. ABŞ qanunlarına görə, hərbi xidmətdən ayrılmış şəxs həmin müddətdən azı 7 il ərzində Pentaqona rəhbərlik edə bilməz. L.Ostin üçün bu istisna Konqresin xüsusi qanun layihəsi qəbul etməsindən sonra mümkün olub. İndiyədək Konqres ABŞ tarixində L.Ostindən əvvəl belə bir istisnanı yalnız iki nəfərə - 1950-ci ildə Corc Marşalla və 2017-ci ildə Ceyms Mettisə edib. //Qafqazinfo.az
Bizi Telegram-da izləyin...
