Britaniya ştammına görə iki sərhəd qapısı bağlanacaq - İran

 22:12 18.02.2021     53

İranın Xuzistan ostanının valisi Qasım Süleymani Dəştəki bildirib ki, vilayət ərazisində aşkar olunan koronavirusun Britaniya ştammının buraya İraqdan gəlməsi müəyyənləşib.

Redaktor.az-ın məlumatına əsasən, mutasiyalı virusun ölkə ərazisində yayılmasının qarşısını almaq məqsədilə şənbə günündən etibarən İraqla sərhəddəki Şələmçə və Cəzzabə buraxılış keçid məntəqələri bir həftə müddətinə bağlanacaq.

Xatırladaq ki, İran ərazisində koronavirusun Britaniya ştammı ilk dəfə yanvarın 5-də aşkar edilib. Qonşu ölkə martın 10-dək Böyük Britaniya ilə hava əlaqəsini dayandırıb. //Oxu.az