Türkiyədə şəhid olan hərbçilərin sayı artıb - YENİLƏNİB

 22:30 04.03.2021     704

Türkiyədə Bitlisdəki hərbi helikopter qəzasında daha bir nəfər həyatını itirib.

Redaktor.az-ın xəbərinə görə, həkimlərin cəhdlərinə baxmayaraq, qəzada yaralanan 4 hərbçidən birinin həyatını xilas etmək mümkün olmayıb. Bununla da qəzada şəhid olan hərbçilərin sayı 10-a yüksəlib.

Qeyd edək ki, şəhidlər arasında 8-ci Korpus komandiri, general-leytenant Osman Erbaşın da adı var.

Türkiyənin milli müdafiə naziri Hulusi Akar və Baş qərargah rəisi Yaşar Gülər bir qrup heyətlə hadisə yerinə gediblər.

 

20:08

Türkiyənin Bingöl əyalətində havaya qalxan hərbi helikopter qəzaya uğrayıb.

Redaktor.az xəbər verir ki, bu barədə Türkiyə Milli Müdafiə Nazirliyi məlumat yayıb.

Qeyd olunub ki, nəticədə 9 nəfər həlak olub, 4 nəfər isə yaralanıb.

Qəzada həyatını itirənlərin nəşləri aşkarlanaraq aidiyyatı üzrə təhvil verilib.

Orxan İsmayıl / Redaktor.az

22222