Rusiya Azərbaycana aviareyslərin sayını artıracaq

 08:30 26.03.2021     116

Rusiya aprelin 1-dən etibarən Azərbaycana aviareyslərin sayını artıracaq.

Redaktor.az xəbər verir ki, bu barədə Rusiyada koronavirusun yayılmasına qarşı mübarizə üzrə Operativ Qərargah açıqlama yayıb.

Qərar Baş nazirin müavini Tatyana Qolikovanın rəhbərlik etdiyi qərargahın iclasından sonra verilib.

Bundan əlavə, Rusiyanın gələn aydan Belarus, Ermənistan, Misir və Birləşmiş Ərəb Əmirlikləri ilə də müntəzəm uçuşların sayını artıracağı açıqlanıb.