Ehtiyatda olan hərbçilər xidmətə çağırıldı - Ukrayna

 11:37 21.04.2021     216

Ukrayna prezidenti Vladimir Zelenski səfərbərlik elan etmədən ehtiyatda olanların hərbi xidmətə çağırılması haqqında qanun imzalayıb.

Redaktor.az xəbər verir ki, bu barədə Ukrayna Prezident Adminstrasiyasından UNN-ə bildirilib.

Bu qanun layihəsini Ukrayna Ali Radası 2021-ci il martın 30-da qəbul edib.

Prezident Adminstrasiyasından qanunu belə şərh ediblər:

“Bu sənəd Ukrayna Silahlı Qüvvələrinin və digər hərbi birləşmələrin xüsusi dövrlərdə səfərbərlik elan etmədən ehtiyatda olan (döyüş təcrübəsi olan hərbi təlim keçmiş) şəxslərlə komplektləşdirilməsi üzrə tələbləri təkmilləşdirir”.

Qanuna əsasən, xüsusi hallarda çağrışdan yayınanlar cinayət məsuliyyətinə cəlb ediləcək. //Report.az