Bəşər Əsəd amnistiya haqqında fərman imzalayıb

 05:09 03.05.2021     68

Suriya prezidenti Bəşər Əsəd ölkədə ümumi amnistiya haqqında fərman imzalayıb.

Redaktor.az xəbər verir ki, bu barədə Suriya dövlət başçısının dəftərxanası rəsmi "Telegram" kanalında məlumat yayıb.

Fərmana əsasən, amnistiya ölkədə 2021–ci il mayın 2-dək törədilən cinayətlərə şamil edilir. Sənəd hüquqpozmalara, hərbi xidmətdən yayınmaya və digər cinayətlərə dair cəzadan tam azadetməni nəzərdə tutur.

Silah və partlayıcı maddə qaçaqmalçılığına, casusluğa və dövlətə xəyanətə görə mühakimə olunanlar amnistiyanın təsir dairəsinə düşmür. //Azərtac