Şimali Koreyada pişik və göyərçinlər məhv ediləcək

 17:10 29.05.2021     327

Şimali Koreya rəhbərliyi ölkədəki koronavirusun yayılmasını dayandırmaq üçün Çinlə həmsərhəd bölgələrdə pişiklərin və göyərçinlərin məhv edilməsi barədə əmr verib. 

Redaktor.az bildirir ki, bu barədə “Daily NK” xəbər verir.

Məlumata görə, Xesan şəhərində ailələrdən biri ev pişiyindən imtina etmədikləri üçün 20 gün müddətinə təcridxanaya yerləşdirilib.

Ailə pişiyi təhvil verməmək üçün səlahiyyətlilərə onun öldüyünü bildirib. Lakin, bir neçə gün sonra heyvan KXDR və Çin arasındakı sərhəddəki hasarda görülüb. Onu tutmaq mümkün olmasa da, sahiblərini müəyyənləşdirmək mümkün olub. Nəticədə pişik götürülüb, ailə isə təcridxanaya salınıb.

Qeyd edək ki, KXDR ölkədə koronavirus infeksiyasının qeydə alınmadığını bəyan edib. Ölkə dəfələrlə xarici yardıma ehtiyac duymadıqlarını bildirib. //Oxu.az