Daha 54 rusiyalı diplomat Çexiyanı tərk edib

 03:23 31.05.2021     90

Rusiyanın Praqadakı səfirliyinin 54 əməkdaşı Çex Respublikasını tərk edib.

Redaktor.az xəbər verir ki, bu barədə Rusiyanın Çex Respublikasındakı diplomatik nümayəndəliyin əməkdaşı Mariya Semenova məlumat yayıb.

Onun sözlərinə görə, səfirliyin 54 işçisi ailə üzvləri ilə birlikdə xüsusi təyyarə reysi ilə Moskvaya yola düşüb.

Xatırladaq ki, Çex Respublikası ilə Rusiya arasında diplomatik qalmaqala səbəb rəsmi Praqanın Moskvanı 2014-cü ildə Rusiya xüsusi xidmət orqanlarının iştirakı ilə törədilən Vrbetitsadakı hərbi anbarlardakı partlayışda ittiham etməsindən sonra başlayıb. //Oxu.az