Ukrayna xarici kəşfiyyat idarəsinin sabiq rəisi dənizdə boğulub

 23:46 30.05.2021     81

Misirin Baş prokuroru Həmada əl-Savi Sinay yarımadasının cənubundakı Dahab qəsəbəsi sahillərində ukraynalı turistin dənizdə batması ilə bağlı açıqlama verib.

Redaktor.az xəbər verir ki, həmin şəxsin Ukraynanın sabiq xarici kəşfiyyat idarəsinin rəhbəri Viktor Qvozd olduğu müəyyən edilib. Sabiq rəhbər Dahab xəstəxanasına çatdırılıb. Lakin onun həyatını xilas etmək mümkün olmayıb.

V.Qvozdun məşqçisi Misir prokurorluğuna ifadəsində qeyd edib ki, mərhum dənizin 100 metr dərinliyinə dalmaq icazəsi verən sertifikata malik olub.

Misirin Baş prokuroru bildirib ki, sözügedən insidentdə cinayət tərkibi yoxdur. O, Ukrayna səfirliyinin nümayəndəsini istintaqın gedişi ilə tanış olmağa dəvət edib. //AzərTac