Çində bir nəfər quş qripinə yoluxub

 11:31 01.06.2021     135

Çinin Ciansu vilayətində bir nəfərin quş qripinə (H10N3) yoluxması aşkarlanıb.

Redaktor.az xəbər verir ki, bu barədə Çinin Səhiyyə Məsələləri üzrə Dövlət Komitəsi məlumat yayıb. Bildirilir ki, aprelin 23-də bədən hərarəti yüksələn Cencian şəhərinin sakini olan 41 yaşlı kişi 5 gün sonra xəstəxanaya yerləşdirilib. Müvafiq analizlər nəticəsində həmin şəxsin H10N3 virusuna yoluxduğu aşkarlanıb. Hazırda onun vəziyyətinin sabit olduğu bildirilir. Onunla yaxın təmasda olanlar tibbi nəzarət altına alınıblar, hələlik onlar arasında yoluxma və anomal hal qeydə alınmayıb.

Səlahiyyətli qurumlar virusun həmin şəxsə ev quşlarından keçdiyini və yoluxmaların epidemik hala keçmək riskinin çox aşağı olduğunu güman edirlər.

Qeyd edək ki, indiyədək dünyada aşağı patogenli H10N3 virusuna insanlar arasında yoluxma qeydə alınmayıb. //AzərTac