İranda hərbi gəmi batıb
İran Hərbi Dəniz Qüvvələrinə məxsus Xark gəmisi ölkənin cənubundakı Oman körfəzində yanaraq batıb.
Redaktor.az-ın məlumatına görə, bu barədə İran ordusu açıqlama yayıb.
Məlumata görə, "Xark" gəmisində baş verən yanğını söndürmək mümkün olmayıb və gəminin ekipajı xilas edilib.
Yanğının hansı səbəbdən baş verdiyi açıqlanmayıb.
Qeyd edək ki, 33 min tonluq yanacaq təminatı və dəstək gəmisi olan "Xark" gəmisi 1977-ci ildə Britaniyada hazırlanıb və 1984-cü ildə İrana təhvil verilib. Bu gəmi İran ordusunda "Məkran" gəmisindən sonra ikinci böyük gəmi hesab olunurdu. Gəmi generator və buxar sistemi ilə saatda 6 min kilovat saat elektrik istehsal edə bilirdi. //Trend.az
Bizi Telegram-da izləyin...
