İran səs hüququndan məhrum edildi - BMT Baş Assambleyası

 09:49 03.06.2021     63

İran və Mərkəzi Afrika Respublikası təşkilata borcunu ödəmədiyindən BMT Baş Assambleyasında səs hüququndan məhrum edilib.

Redaktor.az xəbər verir ki, bu barədə təşkilatının Baş katibi Antonio Quterreşin məktubunda qeyd olunub.

Qərar BMT Nizamnaməsinin 19-cu maddəsinin şərtlərinə əsaslanır.

Borclular siyahısına daha üç dövlət də daxildir: Sao Tome və Prinsip, Komor adaları və Somali. Buna baxmayaraq, Baş Assambleya bu dövlətlərin bu sessiyanın sonuna qədər səs verməsinə icazə verib.

Borcunu ödədikdən sonra dövlət səsvermə hüququnu bərpa edir. Quterreşin sözlərinə görə, səs hüququnu bərpa etmək üçün İranın təşkilatın büdcəsinə 16 251 298 dollar ödəməlidir. //Oxu.az