Belarus hava yollarının uçuşları qadağan olunub

 19:44 04.06.2021     99

Avropa İttifaqı (Aİ) Belarus hava yollarının blokun hava məkanında uçuşlarını və Belarus təyyarələrinin Avropa hava limanlarına enməsini qadağan edib.

Redaktor.az-ın "Reuters"ə istinadən verdiyi xəbərə görə, bu barədə Aİ-dəki diplomatik mənbə bildirib.

"Bu gün Aİ-nin səfirləri Belarus hava yolu daşıyıcılarının blokun ərazisi üzərindən uçmasını və ya Aİ hava limanlarına enməsini qadağan edən plan qəbul edib", - diplomatik mənbə bildirib.

Aİ eyni zamanda ittifaq ölkələrinin hava yollarına Belarus üzərindən uçmamağı tövsiyə edib, lakin bu məcburi bir qadağa deyil. //APA