Türkiyədə 135 milyard kubmetr təbii qaz ehtiyatı tapılıb

 23:52 04.06.2021     134

Türkiyənin Qara dəniz sahilində yerləşən, ən zəngin daş-kömür mədənləri olan Zonquldakda böyük miqdarda təbii qaz yatağı aşkar edilib.

Redaktor.az-ın xəbərinə görə, bunu Zonquldakda səfərdə olan Türkiyə prezidenti Rəcəb Tayyib Ərdoğan Filyos Limanının açılışı və təbii qaz emalı müəssisələrinin təməlqoyma mərasimində bildirib.

Türkiyə ictimaiyyətinin səbirsizliklə gözlədiyi xəbəri açıqlayan R.T.Ərdoğan "Fatih" qazma gəmisinin Qaradənizin Şimali Sakarya yatağında “Amasra 1” quyusunda 135 milyard kubmetr qaz ehtiyatını kəşf etdiyini deyib.

Qeyd edək ki, keçən ilin iyulunda "Fatih" qazma gəmisi vasitəsilə Qara dənizdə Türkiyə tarixində ən böyük qaz yatağı - 405 milyard təbii qaz ehtiyatı kəşf edilib. //APA