Belarusda koronavirusun dördüncü dalğası başladı

 00:45 21.09.2021     128

 

Belarus səhiyyə naziri Dmitri Pineviç respublikada koronavirus pandemiyasının yeni dalğasının başladığını açıqlayıb:

Redaktor.az xəbər verir ki, Pineviç dördüncü dalğanın proqnozlaşdırılan müddətdən əvvəl gəldiyini qeyd edib.

“Epidemioloji prosesin gedişatına görə, bu dalğa gəlməli idi və ilin bu vaxtında Belarus üçün xarakterik olan klassik mövsümi epidemioloji vəziyyətimizlə üst-üstə düşür. Təəssüf ki, temperatur rejimi də əlverişli deyil. Buna görə də, yoluxmada artımı qeyd edirik”, - deyə o bildirib.

Belarusda həm yoluxma, həm də xəstələrin xəstəxanaya yerləşdirmə sayı hər gün artır.

Ümumilikdə, respublikda pandemiya başlayandan indiyədək 516 428 nəfər koronavirusa yoluxub. //Oxu.az