İranlı sürücü Paşinyanın yeni yolunda çuxura düşdü

 23:58 12.11.2021     264

İranlı sürücülər Ermənistanın Baş naziri nikol Paşinyanın Gorus-Qafan avtomobil yoluna alternativ olaraq göstərdiyi yeni Tatev-Aqvan yolundan narazıdır.

Redaktor.az news.am-a istinadla xəbər verir ki, onlar erməni KİV-nə müsahibələrində bildiriblər ki, Tatev-Aqvan yolu yük maşınlarının keçməsi üçün çox dardır. Sürücülərin sözlərinə görə, Azərbaycanın gömrük postuna rüsum ödəməmək üçün bu yolla getməyə məcburdurlar: 

“Yol dardır. Qarşıdan maşın gəlsə, dayanmalı oluruq. Bu da yaxşı hal deyil. Maşınların tıxacı yaranır. Çuxura düşəndə buralarda olmayan traktorların gəlməyini gözləməliyik”. 

Erməni mediası çəkiliş zamanı yük maşınlarından birinin çuxura düşdüyü anı da lentə alıb.