Rusiyada mədəndə yanğın - Ölən və yaralananlar var
Rusiyanın Kemerovo vilayətində “Listvyajnaya” mədənində yanğın olub. Mədəndə baş verən tüstülənmə nəticəsində azı bir nəfər öldüyü, yaralıların sayının 43-ə çatdığı bildirilib.
Redaktor.az xəbər verir ki, bu barədə Kemerovo vilayətinin qubernatoru Sergey Tsivilev rəsmi teleqram kanalında məlumat verib. Onun sözlərinə görə, yaralılar xəstəxanaya çatdırılıb. Onlardan 2 nəfərin vəziyyəti ağır, 41 nəfərin vəziyyəti isə yüngül və orta ağır qiymətləndirilib. Ümumilikdə orada 287 nəfərin olduğu deyilib.
İlkin məlumata görə, tüstülənməyə səbəb kömür tozunun alışması olub.
Bizi Telegram-da izləyin...
