Fransa Afrika ölkələrinə səyahət qadağasını uzatdı

 12:17 28.11.2021     1975

Fransa koronavirusun "omikron" ştamının yayılması fonunda Afrikanın cənubundakı yeddi ölkə ilə nəqliyyat əlaqələrinə qoyulan qadağanı dekabrın 1-dək uzadıb.

Redaktor.az xarici KİV-ə istinadən xəbər verir ki, qadağa Cənubi Afrika, Namibiya, Zimbabve, Botsvana, Lesoto, Esvatini və Mozambikə aiddir.

Bundan əvvəl bu ölkələrdən Fransaya gediş-gəliş qadağasının noyabrın 29-dək davam edəcəyi deyilirdi.

Ümumdünya Səhiyyə Təşkilatı noyabrın 26-da yeni ştamla bağlı keçirdiyi fövqəladə iclasdan sonra Avropa İttifaqı ölkələri Cənubi Afrika regionunun yeddi ölkəsinin qitəyə girişinə məhdudiyyətlər qoymağa razılaşıblar.