Poroşenkonun bütün əmlakına həbs qoyuldu
Kiyev şəhərinin Peçersk rayon məhkəməsi Ukraynanın sabiq prezidenti Petro Poroşenkonun bütün əmlakına həbs qoyulması barədə qərar qəbul edib.
Redaktor.az xəbər verir ki, bu barədə sabiq prezidentin vəkili İqor Qolovanya məlumat verib.
Məhkəmə qərarı Petro Poroşenkonun dövlətə xəyanətdə ittiham edildiyi cinayət işi üzrə qəbul olunub.
Vəkil qərara etiraz edəcəklərini bildirib.
Xatırladaq ki, xarici ölkələrin birində olan sabiq dövlət başçısı yanvarın 17-də Ukraynaya qayıtmağı, Baş prokurorla görüşməyi və məhkəməyə gəlməyi planlaşdırdığını açıqlamışdı.
P.Poroşenko dövlətə xəyanətdə ittiham edilir.
Bizi Telegram-da izləyin...
