Livan işıqsız qaldı

 03:31 09.01.2022     119

Livanın bütün ərazisində elektrik enerjisi verilişi dayandırılıb.

Redaktor.az Al-Jadeed agentliyinə istinadən xəbər verir ki, elektrik enerjisi Electricite du Liban şirkəti tərəfindən kəsilib. Bildirilir ki, buna Beyrut yaxınlığındakı Aramun kəndində stansiya ilə bağlı münaqişə səbəb olub.

Yerli sakinlər elektrik enerjisinin müntəzəm olaraq kəsilməsinə etiraz edərək stansiyaya basqın cəhdi ediblər. Nəticədə bütün elektrik şəbəkəsi sıradan çıxıb. Şahidlərin bildirdiyinə görə, Beyrut Beynəlxalq Hava Limanı da müvəqqəti olaraq elektriksiz qalıb.