Sülhməramlılar mühafizə olunan obyektləri Qazaxıstana təhvil verir - VİDEO

KTMT-nin Kollektiv Sülhməramlı Qüvvələri mühafizə olunan obyektləri Qazaxıstanın hüquq-mühafizə orqanlarına təhvil verir.

Redaktor.az xəbər verir ki, bu barədə Rusiya Müdafiə Nazirliyi məlumat yayıb.

“KTMT-nin kollektiv sülhməramlı qüvvələrinin komandanlığı və Qazaxıstan Respublikasının Müdafiə Nazirliyi tərəfindən hazırlanmış plana uyğun olaraq, sülhməramlılar tərəfindən qorunan sosial əhəmiyyətli obyektlərin ölkənin hüquq-mühafizə orqanlarına təhvil verilməsinə başlanılıb”, - deyə məlumatda bildirilir. 

Əlavə edilir ki, sülhməramlılar  texniki və maddi vasitələrin Rusiya Aerokosmik Qüvvələrinin təyyarələrinə yüklənməsi və daimi dislokasiya məntəqələrinə qayıtmaq üçün hazırlıq işlərinə başlayıblar.

Nuranə Tofiqli