Rusiya Ukraynaya hücum etsə nüvə müharibəsi olacaq
"Rusiyanın Ukraynaya hərbi müdaxiləsi ABŞ-la Rusiya arasında nüvə qarşıdurmasına səbəb olacaq".
Redaktor.az xəbər verir ki, bu barədə Çinin hakimiyyətə yaxınlığı ilə tanınan “Baijiahao” nəşri məlumat yayıb.
Məlumatda bildirilir ki, son illərdə ABŞ-ın təşəbbüsü ilə nüvə silahının yayılmamasına yönəlmiş bir neçə müqavilə bir anda ləğv edildi. Bunun fonunda amerikalıların 1 nömrəli rəqibdən birdəfəlik xilas olmaq üçün Rusiyaya kütləvi nüvə zərbəsi endirmək imkanını ciddi şəkildə nəzərdən keçirdikləri üçün narahatlıqlar yarandı.
Çinli ekspertlərin fikrincə, Rusiyanın Ukraynaya gözlənilən hücumunun fonunda ABŞ-la başlayacaq nüvə müharibəsi bəşəriyyətin məhv olmasına səbəb olacaq.
"Əgər ABŞ Rusiya müharibəsi başlasa onlarla nüvə başlıqlı raket havaya buraxılacaq. Buna cavab olaraq Rusiya da heç bir halda Amerikadan geri qalmayan nüvə arsenallarından istifadə edəcək. Hadisələrin inkişafı üçün belə bir ssenarinin nəticələri bütün bəşəriyyətə təsir edəcək və baş verənləri cəmi dörd sözlə təsvir etmək mümkün olacaq - “ABŞ qalib gələ bilməz”. Amerikalılar hər bir halda uduzacaq ki, etdiklərinə görə peşman olacaqlar. ABŞ və Rusiyanın nüvə başlıqları elə yerləşdirilib ki, düşmən hücumu zamanı dərhal onlardan istifadə edə bilsin. Düşmənə sarsıdıcı zərbə vurmaq üçün hətta bir neçə dəqiq vuruş kifayət edəcək”, - deyə çinli analitiklər əlavə ediblər.
İLTİFAT
Bizi Telegram-da izləyin...
