ABŞ Ukraynadan kütləvi qaçqın axınına hazırlaşır
Ağ Ev Şərqi Avropada gərginliyin artmaqda davam etməsi səbəbindən, Rusiyanın müdaxiləsi halında Vaşinqtonun Ukraynadan qaçqın axınına hazırlaşdığını bəyan edib.
Redaktor.az "RİA Novosti"yə istinadən xəbər verir ki,ABŞ Prezidenti Co Baydenin sözçüsü Cen Psaki Rusiya silahlı qüvvələrinin qonşusuna hücum edəcəyi təqdirdə ABŞ rəsmilərinin gördüyü hazırlıqlarla bağlı açıqlama verib.
“Şübhəsiz ki, biz bir sıra gözlənilməz hallara hazırlaşırıq və onlara hazırlaşmaq üçün avropalı tərəfdaşlarımız və həmkarlarımızla işləyirik. Bu hazırlıqlar qaçqınlar, təbii qaz və ya neft çatışmazlığı potensialı ilə bağlıdır”.
O, ABŞ kəşfiyyatının regionda hərbi əməliyyatların baş verəcəyi təqdirdə 5 milyona qədər qaçqın və 50 000-ə qədər mülki vətəndaşın öləcəyini proqnozlaşdırdığı barədə mediada yayılan xəbərləri şərh etməkdən imtina edib.
"Təbii ki, biz müxtəlif ssenarilərə hazırlaşırıq, onlara hazırlaşmaq üçün avropalı tərəfdaşlarımız və həmkarlarımızla qarşılıqlı əlaqədə oluruq. Bu, Ukraynadan gözlənilən qaçqınlara, qaz və neft qıtlığı ehtimalına aiddir", - Psaki brifinqdə deyib.
Ağ Ev bəyan edib ki, Şərqi Avropada gərginlik artmaqda davam edərkən, Vaşinqton Rusiyanın müdaxiləsi halında Ukraynadan qaçan qaçqın axınına hazırlaşır.
“Washington Post”un məlumatına görə, ABŞ rəsmiləri Rusiyanın Ukrayna sərhədi yaxınlığında daha çox qüvvə topladığını və tezliklə Kiyevə çatacaq və 50 min insanın ölümünə səbəb olacaq hücuma başlaya biləcəyini iddia edən yeni hesablamalar barədə millət vəkillərinə və avropalı tərəfdaşlarına məlumat veriblər. Hesabatda 5 milyon nəfərin qarışıqlıqdan qaçacağı iddia edilib.
Bizi Telegram-da izləyin...
