Çernobıl AES-in enerji təchizatı bərpa edildi
Çernobıl Atom Elektrik Stansiyasında elektrik enerjisinin verilişi bərpa edilib.
Redaktor.az-ın məlumatına görə, bu barədə energetika naziri German Qaluşenko bildirib.
“Bu gün NPC “Ukrenergo” mütəxəssislərinin, nüvə alimlərimizin və elektrikçilərimizin inanılmaz səyləri sayəsində rus işğalçıları tərəfindən ələ keçirilən Çernobıl AES-in enerjisini qaytarmaq mümkün olub”, - nazir qeyd edib.
Qaluşenkonun sözlərinə görə, indi işlənmiş nüvə qurğularının soyutma sistemləri ehtiyat enerjidən yenidən normal rejimdə işləyəcək.
Qeyd edək ki, Çernobıl AES-in elektrik enerjisi martın 9-da kəsilib. Həmin gün Ukrayna tərəfi elektrik təchizatının bərpası üçün 48 saat vaxt olduğunu açıqlayıb.
Bizi Telegram-da izləyin...
