Ukraynada iki gürcü döyüşçü həlak oldu
Ukraynada davam edən müharibədə iki gürcüstanlı döyüşçü – David Ratiani və Giya Beriaşvili həlak olub.
Redaktor.az xəbər verir ki, hər iki keçmiş xüsusi təyinatlının ötən gün İrpen şəhəri yaxınlığında hava hücumu nəticəsində həlak olduğu bildirilib.
Məlumatlara əsasən, daha bir gürcü döyüşçü yaralanıb.
Qeyd edək ki, Ukraynada döyüşlərdə bir sıra könüllü gürcü döyüşçü iştirak edir. Gürcütanın keçmiş müdafiə naziri İrakli Okruaşvili (2004-2006) də könüllü olaraq Ukraynaya yollanıb və Rusiya hərbi qüvvələrinə qarşı əməliyyatlarda iştirak edir.
Bizi Telegram-da izləyin...
