Almaniya prezidenti və xanımı koronavirusa yoluxdu
Almaniya Prezidenti 66 yaşlı Frank-Valter Ştaynmayer və onun həyat yoldaşı Elke Büdenbender koronavirusa yoluxublar.
Redaktor.az "gazeta.ru"ya istinadla xəbər verir ki, bu barədə prezidentin mətbuat xidməti məlumat yayıb:
“Çərşənbə axşamı ekspress test və PCR testi müsbət nəticə göstərdi. Simptomlar mülayimdir. Prezident və xanımı dərhal ev şəraitində karantinə alınıb. Yaxın təmasda olan hər kəsə məlumat verilib”.
Qeyd edək ki, COVID-ə yoluxmazdan öncə Ştaynmayer Yaponiyanın baş naziri Fumio Kişida və Polşanın baş naziri Mateuş Moravetski ilə telefon danışığı aparıb.
Bizi Telegram-da izləyin...
