İsraildə terror aktı törədənlərin kimliyi məlum oldu - YENİLƏNİB
Ötən gün İsrailin Hadera şəhərində terror aktı törədənlərin şəxsiyyətləri müəyyənləşdirilib.
Redaktor.az xarici mediaya istinadla xəbər verir ki, həmin şəxslər Umm al-Fahma İbrahim və Ayman Aqbariya adlı əmioğlulardır. Onlardan biri 2016-cı ildə İŞİD-lə əlaqədə ittiham olunaraq həbs edilib.
Cinayətkarlar Haderaya silahla gəliblər. Onların terror aktını əvvəldən planlaşdırdıqları məlum olub.
***
Naməlum şəxslər İsrailin Hadera şəhərinin Herbert Samuel küçəsində iki yerli sakini odlu silahdan atəş açaraq öldürüblər.
Redaktor.az xarici mətbuata istinadla xəbər verir ki, terror aktı zamanı 2 nəfər həlak olub, daha 6 nəfər yaralanıb. Hadisəni törədənlər polisin açdığı atəşlə zərərsizləşdiriliblər.
Digər mətbu orqanlar terror aktı zamanı 8 nəfərin yaralandığını xəbər veriblər.
Bizi Telegram-da izləyin...
