Polşanın Baş naziri Almaniya və Fransanı qorxaq adlandırdı - "Nəhayət, ukraynalıları müdafiə edin!"
"Buçada törədilən soyqırım bizim bu müharibəyə baxış tərzimiz ilə bağlı hər şeyi dəyişir. Qərb artıq rusların Ukraynada nə etdiyini təxmin etməli deyil. Soyuqqanlılıqla qətlə yetirilən yüzlərlə mülki şəxsin cəsədindən, qapı-qapı gəzib ana-ataları övladlarının gözü önündə güllələyən ölüm dəstələrindən gözünüzü ayıra bilməyəcəksiniz. Ukraynanın şəhərlərində baş verən soyqırım cinayətlərinin araşdırılması üçün beynəlxalq komissiyanın dərhal çağırılmasını istəyirik".
Redaktor.az-ın məlumatına görə, bu barədə Polşanın Baş naziri Mateuş Moravietski özünün feysbuk səhifəsində yazıb.
"Mən də Avropa İttifaqının liderlərini dərhal və qətiyyətli hərəkət etməyə, Putinin müharibə maşınını sındıracaq, əlindən alacaq bu cür sanksiya və hərəkətlər tətbiq etməyə çağırıram. Onlar Rusiya Federasiyasının və Rusiya oliqarxlarının Qərbi Avropa banklarında yerləşdirdikləri aktivlərinin müsadirə edilməsinə gətirib çıxaracaqlar. Bu çağırış xüsusilə İttifaqın ən güclü və zəngin ölkələrinə, Almaniya və ya Fransaya yönəlib. Liderlik qorxaqlıq və ya hesablaşma deyil. Bu, şərə qarşı güzəştsiz mübarizədir. Daha çox soyqırım cinayətlərinin qarşısını almaq üçün əlimizdən gələn hər şeyi etməyə məcbur edir.
Hesablaşma vaxtı bitdi, Rusiyadan gələn totalitar-faşist rejiminin vəhşiliyi getdikcə artan Ukrayna vətəndaşlarına toxunur. İsti konfrans otaqlarında insan haqlarını müzakirə etməkdənsə, nəhayət, onları müdafiə etməyə başlayın!", - deyə hökumət başçısı çağırış edib.
Turan ASLAN
Bizi Telegram-da izləyin...
