Hindistan Rusiyaya uçuşları dayandırdı
Hindistanın "Air India" aviaşirkəti Dehli-Moskva-Dehli marşrutu üzrə uçuşları dayandırıb.
Redaktor.az xəbər verir ki, bu barədə Rusiyanın Hindistandakı səfirliyi məlumat yayıb.
"Hörmətli həmvətənlər, diqqətinizə çatdırırıq ki, Hindistanın "Air India" aviaşirkəti Dehli-Moskva-Dehli marşrutu üzrə bilet satışını dayandırıb, aviaşirkətin Rusiyaya uçuşlarının bərpası perspektivləri hazırda qeyri-müəyyəndir. "Air India" ofisinin məlumatına görə, Sərnişinlər ləğv edilmiş reyslərə görə pulu tam şəkildə geri almaq hüququna malikdirlər”, - deyə Rusiya səfirliyinin Telegram kanalında bildirilib.
Qeyd olunub ki, hazırda Daşkənd, İstanbul, Dubay, Əbu-Dabi, Doha və digər istiqamətlər üzrə Hindistandan Rusiyaya tranzit marşrutlardan istifadə etmək mümkündür.
Bizi Telegram-da izləyin...
